قصة بلهجة أصحاب عدن اتحداكم ماتضحكوا ***تعالوا افصلوا بين الحريـــــــــــــــم** [/color]

من طرف الــمــهــري الإثنين يناير 05, 2009 7:06 am

سلــمــلـــــــــــم

اليوم جبتلكم قصة
تعالوا فارعوا او اجلسوا غنوا
اضاربوا الاخدام والعسكري قدام

اسمعوا بخليكم مع القصة وقولولي ايش رايكم

كانت حافت أم الخير من حوافي عدن وكان فيبه هذه الحافه اللي تتميز بالهدوء والاستقرار والأمان لما أجات شله من الحريم اللي خربوا وكسروا هذه الحافة .
وشاء ربك ولطف وكمان الصدف أن يجتمع شملهم في عمارة من حق ايام الانجليز"زي الشارع الرئيسي"

اول شيء الحريم :
الهندية زارينا : طويلة وضعيفة وسوادها بس ملامحه دقيقه"يعني تقول سحبوها من بومباي وهي تربي الفيران".وتصيح لخديجة خدوج تدلعه كمان
اللكنه : تحول الذكر إلى أنثى والعكس صحيح و( ح ) تنطقها ( هـ ) ،و (ع ) تنطقها ( أ ) .

البدوية خديجة : قوامها مليان قليل ( متينة ) وسمره قصيرة تصل إلى سرة الهندية .
اللكنه : ال التعريف عندها ( ام ) ، و( ك ) تنطقها ( ش ) .

الحجرية نعمة : ضعيفة وطولها زي البدوية وبيضاء وذكيه في البيع والشراء وتخزن كمان .
اللكنه : في أخر الكلام تحط ( ين ) .

اليافعية جميلة : معتدلة الطول سمينه بيضاء"قديه يافعية".
اللكنه : ( يا ) تقلبها ( وا )

العدنية سميرة : قوام معتدل طولها متوسط ولون بشرتها قمحي وهي في الأصل والفصل من بنات الشيخ
اللكنه : قدكم عارفين ..
الحريم هذولا في الأصل هم صاحبات وعدوات بنفس الوقت ..

الهدرة (الجزء الاول)
الهدرة بين زارينا وخديجه
زارينا الهندية : فينك من زمان خدوج أنت لك وهشه أنت أهسن واهد في هذي إمارة وصاهبي أنت من زمااااااان.

خدوج البدوية : لش العمى يعميش من أول رجعتيني رجال أنت ..أنت .. قولي أنتي ... أسمعي نافدوش ( أنا أفدالك ) تجيبيلي بز مليح مطرز قالوا حق الهنود حلو..اوبهي تنسي ... نا جارالله ( انا أحلفك بالله ) .... تجيبيلي اوبهي بنديش ( بعطيك ) فلوس حق المواصلات ( قصدها الطيارة ) .

زارينا الهندية: تمام خدوج ولا يهمك أنت تؤمر .

خدوج : وأنتي يامسودا عاد شي معش مهاري ( هدره ) عن الحجرية نعمة .....

زارينا الهندية: لا .. لا.. أنت سمأت ( سمعت ) هاجه أنا .. لا .

خدوج : قالوا أنها تبيع امقات في امسوق مع زوجها امدحباشي صلاح .....

زارينا الهندية: أو خُــــذا "قصديه يالله"هما تمائين (طماعين ) ليش .. كده .. كفاية زوج هو يأمل ( يعمل ) هي كمان تأمل لا .. لا ...لا .

خدوج : امدحابشه كدا قدهم مايكتفوا عند حاجه مالك منه الأن .... خلينا عند عند البزوز والسواري حقكم.

الجزء الثاني:- من الهدرة اقصد الحشوش

وثاني يوم
نعمة عرفت أن خدوج وزارينا حشو عليها أمس عبر الرادار اللي بالعمارة (يعني حريم العمارة )
راحت تدق الباب من صبح الله على زارينا و خدوج

زارينا : أيوه أيس في ..ماما

نعمه : أيش معانا ومعاكن الأن لا ذكرتكن بخير ولا بشر وأنتن تحشين ( تحشو ) علينا ليش أيش حصل .

زارينا : أنا لا ... هو خدوج اللي بدء .

خدوج : لش صاعقة تدخلش ( تدخلك ) داخل امبير ( البئر ) أنت ياسوده يالوده أني اللي أحش يامهندية

نعمه : شانديلكن ( باعطيلكم ) بالشمبل حقي لو سمعت أنكن ذكرتيني بكلمه .. ماهو( أيش بالتعزي ) معاكن أنتن موبكن تتصروعين عليا .
حاسدات ليش أني وزوجي أبو العيال ( صلاح العري ) شنشقي بالقات ، مش عيب البيع .

خدوج : ( تشتي تزود الفتنه ) أيوه يامدحباشيه نعمه هذا وأنت من الحجرية تقولي قتلنا زوجك الأن .

نعمه : حاسدات أصلاً ارامل بتقوليين صلاح باليد ولا عشرة على الشجرة .

خدوج : ايوه ... معاد باقي إلا امدحباشي صلاح اماعمى ( الأعمى ) اللي إذا روح في الليل والكهربا طافية يدخل العمارة الثانية عادش تقولي حاسدات وعينا عليه ، أصلاً القرد مايرضى إلا بقرده زيه .

الهندية : ها .. ها .. ها.. خدوج أيوه فوقه أيوه هبله زيدوا هبة"حبة" أنت بدوي تمام

خدوج : نحن بالحقيقة يانعمه سمعنا أنش تبيعي الشمه (هو تمباك مطحون) بالكيلو بسوق الكباش ( قصدها سوق القات ) .
صلاح يبيع القات وأنتي امشمه تبيعي معش جونيه مليانه شمه سوده وبيضه كله عندكم موجود .

نعمه : قسماً بالله العظيم إن ماسكتي يابدويه يامتخلفه شطلع فوق رقبتك ، موفاعله نفسك شفيقة شلش، من متى ده أسكتي شاخرج البلاوي حقك ، بس لما زفوكي على عبدربه ( الله يرحمه ) جابوكي من الجبل حقكم إلى عدن فوق جمل ها .. ها..ها "الله بدات المعايرة"

الهندية : عادهم يادهباشيه ماسنأوش ( ماصنعوش ) سيارات أندكم ( عندكم ) في اليمن ها .. ها ..ها

خدوج : أسكتي يامهندية عادش تضحكي عليا .

نعمه : أبصرو ( شوفوا ) ياحشاشات هذا ماهو إلا إنذار مسبق تمام ( وهي وجهه يتلون أصفر وأخضر وأحمر رجع مثل سراج طفي لصي اللي كان بالشارع الرئيسي )
المهم كل وحده راحت البيت حقيه خدوج وزارينا راحوا يكملوا الحشوش حقهم على نعمه الشاقية المسكينه .

أجى دور سميرة العدنية ... وجميلة اليافعية ......

سميرة كانت تسكن في الدور الأرضي وجميلة فوقها في الدور الثاني .. نزل المي من حمام جميلة إلى حمام سميرة زي ماهو معروف بعماير الانجليز قدهم اثر ... قامت سميرة واتشنتحت فوق جميلة المسكينة جميلة .

الهدرة
سميرة : رفعت يداتيه لفوق أيوا .. أيوا .. شوفوا ياناس شوفوا يأهل العمارة هذي اليافعية القرعية أيش سوت فيبي.

قامت جميلة : أيوه .. ويش بك تصيحين فوقنا ويش وا سميرة أجعلك السومه ( تدعي عليها باليافعي ) قولي أمين ياعدنية ياكلبه أنتي بالله عليك محسوبة مراه لا تنظفي بيتك ولا تصبحي ( تقرعي ) عيالك وزوجك مسكين زوجك أشوفه بعيني يتصبح في المقاهي شكله كما الطؤري ( الطائر ) ضعيف في بيتك وأنتي بس كوز مركوز في البيت فالحه تطبخي البخور والأخضرين والحناء وتلقطي الشيدر حقك ومن بيت لبيت تبيعي البضاعة وتنقلي البضاعة الغير مرئيه ( قصدها الكلام )
فلانه أتزوجت وفلانه أتلقت"اطلقت" وفلانه هرب زوجها وفلانه قفزت من فوق العمارة فلانه مدري ويش ................

المهم قامت سميرة شافت أنهو هي مهزومة قامت .. أيش تسويي ... قامت طلعت لما عند جميلة وقطعت المقرمه حقه وشعننت شعرها ... وقالت ألحقوني يأهل العمارة جميلة باتموتني ضربتني ياماه ... ياماه ..... وقامت وضربت جميلة وجميلة تصيح وعوووووووه .. وعوووووووووه .. موتيني ياكلبه .
شوفوها جدمتني .... جدمتني..دكمتني.. وا ياسر.. وا علي ( عيالها ) ألحقو أمكم أنضربت وعووووووه... رعوها كما العسني ( شوفوها مثل العري ) .. وتصيح لعيالها ..
نزلت خدوج وزارينا على المخدامه حقهم..... نعمه كانت في سوق القات كالمعتاد كلها بيع وتجاره وعبارتها المشهورة في الحافه ( ششقي وانديلكن )
المهم نزلوا يفارعوا بينهم أنصدمت زارينا لما شافت سميرة وجميلة تقول شافت فيلم هندي فريش

خدوج : هههه شكلكم فلم غربي كله حرب هههههه .

جميلة : مجدومه بيده وشعرها منكوش وثيابها كله تراب ونيس .
وسميرة قد قطعت المقرمه حقه من قبل عشان تبان مضروبه ومظلومة (بنات الشيخ ايش تسوي مصايب ).
خدوج كانت تفارع بينهم وهي تضحك قالت لهم : لكن العمى يعميكن حريم تضاربين فين رجالكن ياإرهابيات كل مشاكل الحافه من بعدكن هههههههههه .

الهندية : أصلاً أنا كوفي أنان وخدوج المسائد (المساعد ) حجي .

سميرة : عاده كوفي اجمل منك ياورية"مسكينة سميرة مع المضرابة اختبطت وشافت الهندية صومالية" .

زارينا: مش منك أصلاً من البهور (البخور ) اللي تبيإه ( تبيعيه ) وتبيإي ( وتبيعي ) الهدره هج"حق" الناس .

سميرة : أصلاً ايش أقول جني يبزك أنت بنفسك جنيه مش محتاجة حد يبزك .

خدوج : ههههه من صدق مش محتاجين جني يبزها

خلاص زحفت من الهدرة >> هذي اني
المهم............رجعت كل واحده لبيته
طولت عليكم بيوميات حريم الحافه(الحارة) الجن هذولا
يوم مجرمات وإرهابيات اللي بيسمعهم وبيشوفهم بيقول خلاص بيتقاتلوا ...........
ويوم زي السمن على العسل ، إلا والضحكة هاذيك والحنان والمحبه والألفه مقطعه بعضها .واصله لاخر حـــــــــــــارة

حقوق الطبع محفوظة....
وطبعا غيرت بعض المصطلحات والكلمات بمساعده معاجم حية ...

ايش رأيكم..
منقول[b]

من طرف **Admin** الإثنين يناير 05, 2009 9:20 am

قصه حلوه
هههههههههههههههههههههههههه
مشكوووووووووووووووووووووووور

قصة بلهجة أصحاب عدن اتحداكم ماتضحكوا *تعالوا افصلوا بين الحريـــــــــــــــم [/color]

قصة بلهجة أصحاب عدن اتحداكم ماتضحكوا *تعالوا افصلوا بين الحريـــــــــــــــم [/color]

قبلنا التحدي ههههههههههههههههههه